ကျောက်တော်မြို့တွင် အသားဈေးမြင့်တက်မှုကြောင့် စားသုံးသူများနှင့် ဈေးသူ/သားများအခက်တွေ့

ရခိုင်ပြည် ကျောက်တော်မြို့တွင် စည်ပင်က ယခင်သတ်မှတ်ထားသော
အသားဈေးနှုန်းမှာ ဈေးမြင့်တက်သွားသောကြောင့် ဝယ်ယူစားသုံး
သူများနှင့် ဈေးသူ/သားများမှာ အခက်ကြုံတွေ့နေရကြောင်း သတင်းရရှိသည်။

ယခုမြင့်တက်နေသော ဈေးနှုန်းကိုလျှော့ချပြီး ယခင်စည်ပင်က တရားဝန်သတ်မှတ်ထားသော ဈေးနှုန်းကိုထားပေးရန် လိုလားကြောင်း ဝယ်ယူစားသုံးသူများက ပြောသည်။

" ကျနော်တို့မြို့မှာ အမဲသား၊ ဆိတ်သားနဲ့ ဝက်သားတွေ ဈေးအရင်းမြင့်တက်နေပါတယ်။ အရင်တုန်းက စည်ပင်ကသတ်မှတ်ထားတာက တစ်ပိဿာကို ၄၀၀၀ ကျပ် ရှိပါတယ်။ အခု တစ်ပိဿာကို ၅၀၀၀ ကျပ် ဖြစ်သွားပါပြီ။ ဈေးသူ/သားတွေနဲ့ ကျနော်တို့ ဝယ်ယူစားသုံးသူတွေကြားမှာ ပြဿနာရှိလာပါတယ်။

 ဒါကြောင့် စည်ပင်ကနေပြီးတော့ အရင်သတ်မှတ်ထားတဲ့ ဈေးနှုန်းကိုထားပေးဖို့ တောင်းဆိုချင်ပါတယ်။ မဟုတ်ဘူးဆိုရင် မလိုလားအပ်တဲ့ ပြဿနာတွေဖြစ်လာနိုင်ပါတယ်။ "  ဟု ကိုအောင်မြင့်ကျော်က အာရ်ကန်တိုင်းမ်စ်သို့ ပြောသည်။

ရခိုင်ပြည်သူများမှာ ဘင်္ဂလီများနှင့် ပြဿနာ စတင်ဖြစ်ပွားခဲ့ပြီးနောက်ပိုင်း စီပွားရေးအဆင်မပြေကြသူများနှင့် ဒုက္ခရောက်နေကြသူများရှိနေသည့်အတွက် အခုလိုအသားဈေးနှုန်းနှင့် တခြားကုန်ဈေးနှုန်းများမှာလည်း မြင့်တက်လျက်ရှိကြောင်း သိရှိရသည်။

ထိုသို့ဈေးနှုန်းများမြင့်တက်သွားခြင်းသည် ဆိုးဝါးသော အန္တရာယ်များဖြစ်လာနိုင်ကြောင်း ကိုအောင်မြင့်ကျော်က ဆက်လက်ပြောကြားခဲ့သည်။

Arakan Times သတင်းဌာန

Posted in: ပြည်တွင်းသတင်း