မင်္ဂလာပွဲအတွက် ကြိုတင်စိတ်ကူးနဲ့ ဝိုင်းစုခိုင်သိန်း

သရုပ်ဆောင်အဆိုတော် ဝိုင်းစုခိုင်သိန်းက ဇန်နဝါရီ ၁၅ရက်နေ့မှာချစ်သူ ကိုဥက္ကာမြင့်ကြူနေထိုင်တဲ့ အမေရိကကို၁လကြာအလည်အပတ်သွားရောက်ခဲ့ရာမှဖေဖော်ဝါရီ၁၃ရက်နေ့က မြန်မာနိုင်ငံကို ပြန်လည်ရောက်ရှိခဲ့ပါတယ်။ အမေရိကကို ရောက်ရှိနေစဉ်အတွင်းမှာပဲ ဖေဖော် ဝါရီ ၁၂ရက်နေ့မှာတော့ အင်တာနက်ပေါ်မှာ ဝိုင်းစုခိုင်သိန်းတစ်ယောက် သူ့ချစ်သူနဲ့ အတူ မင်္ဂလာဦးဆွမ်းကျွေးလိုက်ပြီဆိုတဲ့ သတင်းတွေနဲ့ဓာတ်ပုံတွေ ထွက်ပေါ်လာခဲ့ပါတယ်။  ဒီသတင်းကြောင့် ဝိုင်းစုခိုင်သိန်းကိုချစ်တဲ့ ပရိသတ်တွေကလည်း တအား စိတ်ဝင်စားခဲ့ကြပြီး ဝိုင်းစုခိုင်သိန်းရဲ့ မင်္ဂလာသတင်းမှန်ကန်မှုရှိ မရှိကို ဖေဖော်ဝါရီ၁၄ရက်နေ့က ကာယကံရှင် ဝိုင်းစုခိုင်သိန်းရဲ့နေအိမ် မှာ ပေါ်ပြူလာဂျာနယ်ကသွားရောက် တွေ့ဆုံမေးမြန်းခဲ့ ပါတယ်။

မင်္ဂလာသတင်းဂယက်

 ” အမှန်တကယ်က အဲဒီအိမ်ကို ပြောင်းတာမကြာသေးဘူး။ သူတို့က ပွဲလုပ်နေကျလေ။ ဝိုင်းစုတို့ဒီက အနုပညာရှင်တွေအကုန်လုံးက အရင် အိမ်မှာပဲတည်းဖူးတယ်။ အခုအိမ် ပြောင်းတာကိုလည်း အကုန်လုံးသိတယ်။ ဝိုင်းစုပြန်လာတော့ ဘုန်းကြီး ဆွမ်းကပ်ပြီးတစ်ခါတည်း အိမ်တက် လုပ်လိုက်တာပါ။ အိမ်တက်ရော၊ အန္တရာယ်ကင်းဆွမ်းကပ်တာရော ပါ။ အမေရိကမှာဆိုပေမယ့် အကုန်လုံးက ဘုန်းကြီးဆွမ်းကပ်ကြတယ်။ အဆင်ပြေတဲ့ရက်လေး ကပ်လိုက်တဲ့သဘောပဲ။ အခုဖေ့စ်ဘုတ်မှာတင်လိုက်တဲ့ ဓာတ်ပုံက ဘယ်သူဘယ်လိုတင်လိုက်လဲတော့ မသိဘူး။ မင်္ဂလာဦးဆွမ်းကျွေးဆိုပြီး တင်လိုက်ကြ တယ်။ အခုသွားတာက မိဘလည်း မပါဘူးဖြစ်တဲ့အတွက် မိဘမပါဘဲနဲ့ မင်္ဂလာဦးဆွမ်းကျွေးစရာလည်း အကြောင်းမရှိဘူး။ ဒီပုံထဲမှာလည်း သေသေချာချာပါတယ်။ ပါသမျှလူ အားလုံးကလည်း ကိုယ့်မိသားစု တွေချည်းပဲ။တချို့လူတွေကတော့ ပြောတာပေါ့။အဝတ်အစားကသတ်မှတ်ချက်တွေပါလို့

 ပြောကြတယ်။ ဒါပေမဲ့ ဝိုင်းစုလည်းအနုပညာရှင် တစ်ယောက်ပဲဆိုတော့ ပွဲတစ်ခုလုပ်ပြီဆိုရင် လူ၁ဝ ယောက်လောက်နဲ့တော့ဝိုင်းစုပွဲ တစ်ခုလုပ်မှာမဟုတ်ဘူး။ ပွဲကို သေသေချာချာလေးတော့ လုပ်မှာပဲ။ ပွဲက လည်း အစောကြီးက တည်းက လုပ်ဖို့ အစီအစဉ်ရှိပြီးသား။ဒီလိုလိမ်ပြီး လည်းလုပ်စရာမလိုဘူး။ ပရိသတ်ကြီးကို ပြောပြတာပါ။ တချို့တွေကလည်း ယုံမယ်၊တချို့တွေကလည်း မယုံဘူး ဆိုပေမယ့် ဝိုင်းစုဘက်က အခြေအနေကို ပြောပြတာပါ။ ကိုယ်တကယ် စဉ်းစားထားပြီးသား။ လူကို လိမ်စရာ လည်းမလိုဘူးလေ။ အခုလောလောဆယ် မင်္ဂလာလည်းမဆောင်သေးဘူး။ အလုပ်အေးအေးဆေးဆေးလုပ်ချင် သေးတယ်။ အဲဒီအတွက် မင်္ဂလာမဆောင်သေးတာပဲရှိတယ်။ မြန်မာ ဗုဒ္ဓဘာသာတွေကတော့ အိမ်မှာလူ တိုင်းအန္တရာယ်ကင်းဘုန်းကြီးဆွမ်းကပ်ကြပါတယ်။ ဝိုင်းစုတို့လည်း ဆွမ်းကပ်ခွင့်ရှိပါတယ်။ ဝိုင်းစုကတော့အနုပညာရှင်ဆိုတော့ ဆွမ်းကပ်စရာရှိတယ်ဆိုပြီး အဝတ်အစားကြိုပြီး စီစဉ်သွားတာပါ။ အရင်လည်း ဒီရောက်လို့ ပွဲတွေဘာတွေတက် လည်း ဝိုင်းစုတို့ ဆင်တူအမြဲတမ်းဝတ်သွားလေ့ရှိတယ်။ မြန်မာဝတ်စုံဆိုရင် ဆင်တူချုပ်ပြီး ပွဲတက်တယ်။ ပရိသတ်တွေအနေနဲ့ တစ်မျိုးထင် ကောင်းထင်သွားနိုင်တယ်။ ဓာတ်ပုံ ကို ဖေ့စ်ဘုတ်မှာစပြီးတင်တဲ့သူကလည်း မကြိုက်လို့မဟုတ်ဘူး။ ဝိုင်းစုတို့ကို သဘောတူပြီး တင်တာပေါ့ နော်။ မင်္ဂလာဦးဆွမ်းကျွေးဆိုပြီး တင်တယ်။ အောင်ရတနာဘုန်းကြီး ကျောင်းလို့ သူတို့ပြောတယ်။ ဒါပေမဲ့ အောင်ရတနာဘုန်းကြီးကျောင်း မဟုတ်ဘူး။ အိမ်မှာပဲ။ ဝိုင်းစုမင်္ဂလာ ပွဲလုပ်ရင်လည်း ပရိတ်သတ်ကြီးကို  မလိမ်ဘူး။ဝိုင်းစုမြန်မာနိုင်ငံမှာ အရင်မင်္ဂလာဆောင်မယ်။ ပြီးရင် ဟိုမှာဆောင်မယ်။အားလုံးစီစဉ်ထား ပြီးသားပါ။ကျော်ပြီးတော့ လုပ်စရာ လည်းမလိုဘူး။ မိဘမပါတဲ့အတွက် ဝိုင်းစုလုပ်မှာမဟုတ်ဘူး။ဝိုင်းစုအ တွက်အဓိကကမိဘပါပဲ။ ဝိုင်းစုနဲ့သူ နဲ့ကစေ့စပ်ထားပြီးသားပါ။ စေ့စပ် တယ်ဆိုတာကပွဲအကြီးကြီးလုပ်ထား တာတော့မဟုတ်ဘူး။လူကြီးချင်း နားဖောက်ထားတဲ့သဘောပါ။”

မင်္ဂလာပွဲအတွက်
ကြိုတင်စိတ်ကူး
“တအားကြီးတော့ ကြိုတင်ပြီး စိတ်မကူးထားဘူး။၂ဝ၁၅လောက် ဆိုရင်တော့မင်္ဂလာပွဲလုပ်ဖို့ ဝိုင်းစု ရည်ရွယ်ထားတယ်။ ဝိုင်းစုရဲ့အခွေတွေ ထွက်စရာရှိသေးတယ်။ အခွေက တစ်ခွေနဲ့တစ်ခွေကို တစ်နှစ်ခြားပြီးမှ ထွက်ရမယ်။ ဝိုင်းစု၂ခွေထွက်စရာ ရှိသေးတယ်။ ၂ခွေထွက်ပြီးရင်အေး အေးဆေးဆေး အနုပညာအလုပ်ကို ကောင်းကောင်းမွန်မွန် လုပ်ချင်သေးတယ်။ အဲဒါကြောင့် အိမ်ထောင်မပြုသေးတာပါအိမ်ထောင်ပြုမယ်ဆိုရင် တောင် ဝိုင်းစုကပရိသတ်ကြီးကို လိမ်မယ့်လူမဟုတ်ဘူး။အကုန်လုံးပြောပြ တယ်။ အမြဲလည်းဝိုင်းစု ဖြေတဲ့အဖြေထဲမှာ လိမ်ပြီး ဖြေတာတစ်ခုမှ မပါဘူး။ ဝိုင်းစုမှာချစ်သူရှိရင်ရှိတယ်။ မရှိရင်မရှိဘူး။ဓာတ်ပုံတွေလည်း အမြဲတမ်းအတင်ခံတယ်။လိမ်ပြီးတော့ လည်းမလုပ်တတ်ဘူး။အဲဒီအတွက် မင်္ဂလာဦးဆွမ်းကျွေးတာ မဟုတ်ဘူး ဆိုတာကို ပရိသတ်ကြီးကို ယုံကြည်စေချင် တယ်။တကယ်မင်္ဂလာဦးဆွမ်းကျွေးရင် လည်းဆွမ်းကျွေးတယ်ပြောမှာပါ။
လက်တွဲဖော်အဖြစ်
ရွေးချယ်ရခြင်းအကြောင်းရင်း
“ဝိုင်းစုတို့ချစ်သူသက်တမ်းက ၂နှစ် ကျော်ပါပြီ။ ဝိုင်းစုသူ့ကိုရွေးချယ်လိုက်တဲ့ အဓိကအကြောင်းရင်းကတော့သူက ဝိုင်းစုကိုတအားချစ်တယ်။ဝိုင်းစုလည်း သူ့ကို ချစ်တယ်။သူက တအားကြီး ချမ်းသာတဲ့လူလည်းမဟုတ်ဘူး။ သူ့အခြေ အနေနဲ့သူရှိတယ်။ သူ့ရဲ့ကိုယ်ပိုင် အရည်အချင်းရှိတဲ့လူတစ်ယောက်ပေါ့။ ကိုယ်ပိုင်စဉ်းစားဥာဏ်၊ကိုယ်ပိုင်ရပ်တည်မှုအားလုံးရှိတယ်။မိဘ ဆွေမျိုးအသိုင်းအဝိုင်းလည်း အားလုံး ကောင်းတယ်။ သူတို့ဆွေမျိုးတွေအား လုံးကဝိုင်းစုကိုချစ်ကြတယ်။ ဝိုင်းစု မိသားစုနဲ့ရောသူတို့မိသားစုနဲ့ရော တအားအဆင်ပြေတဲ့အတွက် ဝိုင်းစု ရွေးချယ်ထားတာပါ။ဝိုင်းစုတို့နယူးယောက်ကို သွားကြတဲ့အချိန်မှာ သူတို့မိသားစုလိုက်လိုက်လာပြီး အားပေးတယ်။ပြီးတော့ သူနဲ့ကြိုက် သွားတယ်။အမှန်တကယ်ကပွဲလည်း မရှိဘူး။ ဒီအတိုင်းသွားလည်တာ။သွားလည်တုန်းက မကြိုက်ဘူး။နယူးယောက်လိုက်လာပြီးမှ ကြိုက်တာ။သူကအစကတည်းကဝိုင်းစုကို ရည်းစားစကားစမပြောဘူး။ အရင်ဦးဆုံး ယူဖို့စပြောတာ။အဲ ဒီတော့ ကြောင်သွားရ သေးတယ်(ရယ်လျက်)”"သူကတော့ ပိုပြီးနားလည်မှု ပိုများတာပေါ့။ ဝိုင်း စုထက်လည်း၅နှစ် လောက် ကြီးတယ်။အားလုံးအစစ အရာရာစဉ်းစား ဆင်ခြင်ဥာဏ် ပို ကောင်းတာပေါ့။”

 

Posted in: အနုပညာ